- ಶಕ್ತಿ ಯೋಜನೆಗೆ ‘ಫೇಕ್ ಆಧಾರ್’ ಕಾಟ: ಹೊರರಾಜ್ಯದ ಮಹಿಳೆಯರ ಕೈಚಳಕ, ನಿರ್ವಾಹಕರು ಹೈರಾಣ!
ಬೆಂಗಳೂರು: ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷೆಯ ‘ಶಕ್ತಿ’ ಯೋಜನೆ (Shakti Scheme) ಅಡಿಯಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣದ ಸೌಲಭ್ಯವಿದ್ದರೂ, ಇದರ ದುರ್ಬಳಕೆ ಮಾತ್ರ ನಿಲ್ಲುತ್ತಿಲ್ಲ. ನಕಲಿ ಆಧಾರ್ ಕಾರ್ಡ್ಗಳನ್ನು ಬಳಸಿ ಹೊರರಾಜ್ಯದ ಮಹಿಳೆಯರು ಉಚಿತವಾಗಿ ಪ್ರಯಾಣಿಸುತ್ತಿರುವ ಬೆಚ್ಚಿಬೀಳಿಸುವ ಮಾಹಿತಿ ಬೆಳಕಿಗೆ ಬಂದಿದೆ. ಇದು ಈಗ ಸಾರಿಗೆ ಸಂಸ್ಥೆಯ ನಿರ್ವಾಹಕರಿಗೆ (Conductors) ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.
ನಕಲಿ ಆಧಾರ್ ಪತ್ತೆಯಾಗಿದ್ದು ಹೇಗೆ?
ಕೆಲವು ಮಹಿಳೆಯರು ತೋರಿಸುತ್ತಿರುವ ಆಧಾರ್ ಕಾರ್ಡ್ಗಳನ್ನು ಕೂಲಂಕಷವಾಗಿ ಪರಿಶೀಲಿಸಿದಾಗ ಅಸಲಿ ಆಟ ಬಯಲಾಗಿದೆ. ಕಾರ್ಡ್ನ ಒಂದು ಬದಿಯಲ್ಲಿ ಒಂದು ನಂಬರ್ ಇದ್ದರೆ, ಮತ್ತೊಂದು ಬದಿಯಲ್ಲಿ ಬೇರೆ ನಂಬರ್ ಇರುವುದು ಕಂಡುಬಂದಿದೆ. ವಿಶೇಷವೆಂದರೆ, ಹೊರರಾಜ್ಯದ ಮಹಿಳೆಯರು ಕೂಡ ಕರ್ನಾಟಕದವರಂತೆ ಕಾಣಿಸಿಕೊಳ್ಳಲು ಕನ್ನಡದಲ್ಲಿ ಪ್ರಿಂಟ್ ಆಗಿರುವ ನಕಲಿ ಆಧಾರ್ ಕಾರ್ಡ್ಗಳನ್ನು ಸೃಷ್ಟಿಸಿಕೊಂಡು ಮೋಸ ಮಾಡುತ್ತಿದ್ದಾರೆ.
